Easter Celebration with Fatman
Entrance: The entrance fee is JUST R5 per person!
Date: 04 April 2026
Times:
Information: Time: Between 14h00 – 16h00! Grap-man Johan Brümmer, oftewel Fatman, is gebore om mense te vermaak met sy
kenmerkende stem en groter-as-lewe persoonlikheid. Hierdie eienskappe was ook
instrumenteel om musiekliefhebbers se harte te verower tydens die blinde
oudisies van die tweede seisoen van die M-Net-werklikheidsprogram, The Voice
SA. Sy passie vir musiek is op ‘n jong ouderdom aangevuur, toe hy besef het dat
hy die vermoë het om mense te vermaak. Hy het op tienjarige ouderdom sy
verhoogdebuut gemaak en was maar net sestien toe hy by restaurante begin optree
het om ’n ekstra inkomste te verdien. Alhoewel sy pa aanvanklik nie wou hê dat
hy ‘n loopbaan in musiek na skool moes volg nie, kon hy nie afgeskrik word nie
en het musiek aan die Pretoria Musiekakademie en Unisa gaan studeer. Fatman het
gedurende die vroeë 90’s sewe jaar saam met sanger, Pieter Smith, opgetree.
Musiek het egter oor die jare sy hoofbron van passie en inkomste gebly. “Ek was
bevoorreg genoeg om ’n bestaan ??te
maak deur te doen waarvoor ek lief is. Ek glo werklik dat wanneer jy doen
waarvoor jy lief is, geld sal volg,” Nadat hy drie-en-twintig jaar lank sy eie
ding gedoen het, het sy familie besluit dis tyd dat hy The Voice SA betree.
Hulle het ‘n video-opname gemaak van hom wat Mika se Grace Kelly opvoer en dit
as ‘n video-inskrywing vir die kompetisie ingestuur. Die liedjie, wat verskeie
aspekte van sy talent ten toon gestel het, het hom ‘n plek in die blinde
oudisierondtes van die program verseker. Die Parlotones-voorsanger, Kahn
Morbee, het byna dadelik sy stoel gedraai nadat hy hom hoor sing het, en het sy
afrigter geword vir die duur van die vertoning. Hy was ook die een wat hom
aangemoedig het om Afrikaanse liedjies te sing. Fatman se geestige
persoonlikheid en verhoogteenwoordigheid het hom onmiddellik ‘n gunsteling
onder die skare gemaak en dit was nie lank nie of byna die helfte van die
ateljee-gehoor het in soortgelyke hoede geklee gekom ter ondersteuning van die
kunstenaar. Hy het in die Top 5 van die kompetisie geëindig en is dankbaar vir
die positiewe impak wat dit op sy loopbaan gehad het. Na die Voice SA tot op
hede het Fatman verkeie treffers uitgebring soos, Dorp Toe, Vuil Coke, Kamp
Kommandant, O My Vy en Ditjies & Datjies saam met Lianie May. Hy toer ook
die land vol met uitverkoopte shows vanaf Pretoria regdeur tot in die hartjie
van Namibia.